کتاب: ١٠٠ کلمات في النجاح وعلو الهمّة
مصنف: شیخ سلطان بن عبد الله العمري حفظه الله

یہ کتاب کامیابی کے 100 سنہرے اصول اپنے مختصر مگر جامع اسلوب میں ایک بیش قیمت تحفہ ہے، جو نوجوانوں، طلبہ، اساتذہ، اور ہر اس شخص کے لیے مفید ہے جو کامیابی کی راہ پر گامزن ہونا چاہتا ہے۔ مصنف نے صرف سو مختصر نکات میں کامیابی، محنت، ارادہ، عزم اور بلند ہمتی جیسے عظیم تصورات کو نہایت حکمت و دانائی سے سمیٹ دیا ہے۔
کتاب کی سب سے نمایاں خوبی اس کا سادہ، فصیح اور بامقصد عربی اسلوب ہے، جو قاری کے دل پر اثر چھوڑتا ہے۔ ہر نکتہ قرآن، حدیث، سلف صالحین کے اقوال اور عملی تجربات سے مزین ہے، جو اس کے دینی اور فکری استناد کو ثابت کرتا ہے۔
مصنف کا اندازِ بیان حوصلہ افزا، دلنشین اور فکری تحریک سے بھرپور ہے۔ قارئین کو نہ صرف عمل کی طرف مائل کرتا ہے بلکہ انہیں خواب دیکھنے، اہداف مقرر کرنے اور مسلسل جدوجہد کے اصول بھی سکھاتا ہے۔
یہ کتاب ہر اس شخص کے لیے مشعلِ راہ ہے جو دین و دنیا میں کامیابی اور عظمت حاصل کرنا چاہتا ہے۔

اللہ تعالیٰ مصنف کو جزائے خیر عطا فرمائے اور اس کتاب کو امت کے لیے نفع بخش بنائے۔ آمین۔